ഞാനും നീയുമിന്നു
മലകയരുന്നോര്‍
അവഗണനയുടെ കുരിശും
പ്രണയം കുത്തിയാഴ്ത്തിയ
കാരമുള്‍കിരീടവും ചൂടുന്നോര്‍
പനിക്കുന്ന ജീവിതം
ഇഴഞ്ഞു നീങ്ങുന്നോര്‍
ഞാനും നീയുമിന്നു
വിധിക്കപ്പെട്ടോര്‍
മുള്ളും,മുരുക്കും
ചേരയും,കീരിയും
പാമ്പും,പഴുതാരയും
പാര്‍ക്കുന്ന കാട്ടില്‍
നഗ്നനന്നായ്‌ നടക്കുവാന്‍
നാട് കടത്തപ്പെട്ടോര്‍
എനിക്കും നിനക്കും
ചവക്കാന്‍ വിരഹത്തിന്‍റെ
ചുവന്ന തീക്കട്ടകള്‍
തലചായ്ക്കാന്‍ കള്ളിമുള്‍
ചെടികൊണ്ടൊരു പൂമെത്ത..
എന്‍റെയും നിന്‍റെയും
പാട്ടിനിന്നോരേ സ്വരങ്ങള്‍
കവിതക്ക് പ്രണയത്തിന്‍റെ കാക്കകറുപ്പും
പ്രതിഷേധത്തിന്‍റെ ചഷകചവര്‍പ്പും
ഞാനും നീയുമിന്നു
ഇരുട്ടില്‍ കൈകോര്‍ത്തു
തപ്പിത്തടഞ്ഞു നടന്നവര്‍
മലകള്‍ക്കപുറം വെളിച്ചമെന്നു
പൊട്ടിയ പ്രതിക്ഷയും തൂക്കിപിടിച്ചു
വെച്ചു വെച്ച് മലകയറുന്നോര്‍
പനിക്കുന്ന ജീവിതം
ഇഴഞ്ഞു നീങ്ങുന്നോര്‍
No comments:
Post a Comment