Wednesday, October 17, 2012

ദേശാടനക്കിളി




നെഞ്ചില്‍
തറച്ച കൂരമ്പുകള്‍
വലിച്ചെടുത്തിട്ടും
കൂര്‍ത്ത വേദനയുടെ
പൊള്ളലേറ്റു ചിറകു
തകര്‍ന്ന ഒരു ദേശാടനക്കിളി
കരയുന്നു

ഹൃദയത്തില്‍ നിന്നുയര്‍ന്ന
അവസാന പ്രതീക്ഷയും
പിടഞ്ഞു വീണു
ഒരു പിടി ചാരമാവുന്നു

ഇന്ന് കൂടണയാന്‍ വൈകിയ
ഒരു തീവാലന്‍ കുരുവി
എന്റെ കൂട്ടിനെന്നെത്തുന്നു

അവളുടെ കണ്ണുകളില്‍
നിന്നും രണ്ടു നീര്‍ തുള്ളികള്‍
ഇറങ്ങി വരുന്നു
ഒരു തുള്ളി കൊണ്ട്
എന്‍റെ നെഞ്ചിലെ
മുറിവുണക്കുന്നു
രണ്ടാമത്തെ തുള്ളി കൊണ്ട്
അവളുടെ പ്രണയം
എനിക്ക് തീറെഴുതി നല്‍കുന്നു

ചിറകു തകര്‍ന്ന ദേശാടനക്കിളി
വീണ്ടും നീലാകശങ്ങളെ
സ്വപ്നം കാണുന്നു