മേഘങ്ങളില് നിന്നും
എനിക്കൊരു
തുള്ളി മുലപ്പാല് നല്കുക.
കൊടുങ്കാറ്റിന്റെ
അലര്ച്ചയില് നിന്നും
എനിക്കൊരു മൃതിഗീതം നല്കുക.
മഴവില്ലില് നിന്നൊരു
വെളിച്ചകീറ് എടുത്തു
എന്റെ മെഴുകുത്തിരികളില്
വെളിച്ചം നല്കുക
മുന തേഞ്ഞ
വിപ്ലവത്തിന്റെ മജ്ജയില് നിന്നും
എനിക്കന്ത്യാത്തഴം നല്കുക
നീലിമയേറിയ
നിന്റെ കണ്ണുകളില് നിന്നും
എനിക്കൊരു ഉപ്പുകണിക നല്കുക
പ്രണയമേ,
അവസാനം വിഷം പുരട്ടിയ
നിന്റെ ചുണ്ടുകള് കൊണ്ട്
എന്റെ ചുണ്ടുകളില് ഒരു നേര്ത്ത
ചുംബനം നല്കുക.