വയറു പിള്ളര്‍ന്ന്
അലങ്കാരങ്ങളെ
ചവിട്ടിയാഴ്ത്തി
വശമില്ലാത്ത വൃത്തങ്ങളെ
ചോരയില്‍ മുക്കി
ത്രികോണങ്ങളില്‍ നിന്നും
ചില വാക്കുകള്‍
റോഡരികിലെ
എച്ചില്‍ തോട്ടിയിലേക്ക്
പിറന്നു വീഴുന്നു....
ത്രികോണങ്ങളുടെ
മൃതിരോദനങ്ങളില്‍ ...
വരണ്ടുണങ്ങിയ മുലകള്‍ പോലും
അന്യമാക്കപ്പെട്ട്
ഓടകളില്‍ കമഴ്ന്നു കിടന്ന
വാക്കുകള്‍ക്കു കൂട്ടിരുന്നത്
നായ്ക്കളും, നാല്‍ക്കാലികളും
അലങ്കാരവും വൃത്തവും
തിന്നുകൊഴുത്ത വാക്കുകള്‍
ശീതികരണ മുറിയില്‍
പകല്‍കിനാവു കണ്ടുറങ്ങുമ്പോള്‍
അന്നത്തില്‍ നിന്നും
കിനാക്കളില്‍ നിന്നും
കുടിയിറക്കപ്പെട്ട വാക്കുകളുടെ
മേല്‍വിലാസം തിരയുകയായിരുന്നു ഞാന്‍
No comments:
Post a Comment