ഈ ജനലിനപ്പുറം
ആര്ത്തലച്ചു പെയ്യുന്ന
ഒരു മഴയുണ്ട് ...
നിന്റെ മൌനം
കുത്തിയിറക്കിയ
എന്റെ നെഞ്ചില്
നിന്നും പൊട്ടി ഒലിക്കുന്ന
ഒരു തീ മഴ
നിന്നിലെക്കെത്താന്
കടും ചുവപ്പില്
നിന്നും മുറിച്ചെടുത്ത
ഒരു കടലാസു തോണി
തീര്ക്കുന്നു ഞാന്
കറുത്ത
ചിത്രശലഭങ്ങളാണെന്നിക്ക് ചുറ്റും
ഞെട്ടറ്റു വീണ ശംഖുപുഷ്പങ്ങളും
ഒഴുകിയെത്തിയ
മുഖംമൂടികളില്
നിന്നെ തിരയുകയാണ് ഞാന്
നിന്നിലെക്കെത്താന്
കഴിയാതായാല് അവസാന
വരിയും എഴുതി തീര്ക്കും
നീയെന്ന മഴയില്
പൊള്ളി തീരാന്
ഞാന് വരും വരും
No comments:
Post a Comment