കാത്തിരിപ്പ്
=========
നില്ക്കുന്നിതാ
നിന്നെയും കാത്തു
ഈ ഒറ്റയടി പാതയില്
നീ ഇറുത്തിട്ടു പോയൊര
പൂക്കള് ചോര തുപ്പിയ മണ്ണില്
പച്ച കത്തിയ മാമരകൂട്ടവും
കറുപ്പ് കുടിച്ചു
മയങ്ങിയ സൂര്യനും
ഏകനായ് ഞാനും
...........................
ആവര്ത്തനങ്ങള്
==============
കരളില് വേവുന്നൊരു
മഴ വീണു ചാവുന്നു
എന്റെ കണ്ണീരു മോന്തി കുടിച്ച്
ആത്മകഥനങ്ങളോക്കെയും
ആവര്ത്തനങ്ങളായ്
വിരഹമൂറ്റി കുടിച്ചു ഞാനും
.........................
ഓര്മ്മകള്
==========
ഓര്മ്മകള് നിറച്ചു
ചേര്ത്തു വെച്ചൊരാ
മണ്കുടങ്ങളില് നിന്ന്
സുഷിരങ്ങളായ് നീ
പൊട്ടിയോലിച്ചു
കിടക്കുമ്പോഴോക്കെയും
നിറങ്ങള് ചാലിച്ച്
നിറക്കുന്നു ഞാനതില് പിന്നെയും.
No comments:
Post a Comment